Sobre nós
Un estudo de páxinas web para autónomos e pequenas empresas, cunha idea sinxela detrás: ninguén debería pagar unha web sen tela visto rematada.
Enfoque
Case ninguén compra unha páxina web sabendo o que vai recibir. Acéptase un orzamento, págase por adiantado e espéranse semanas a ver algo. E o que chega non sempre se parece ao que se imaxinara.
Díaz Oliva inverte esa orde. A web constrúese enteira antes de que haxa ningún cobro, e constrúea quen mellor sabe a que se dedica: o seu dono. O que achega o estudo é todo o demais, que é o que de verdade custa saber facer: que o contraste se lea, que cargue rápido, que os buscadores a entendan e que os textos legais estean onde teñen que estar.
O prezo vese antes de pagar e é unha cota pechada polo tipo de web que construíses. Construíla e cambiala non custa nada: o que se paga é tela publicada.
Marcos
Fundador e responsable de proxectos
Quen está detrás
Son Marcos e levo persoalmente cada proxecto que entra no estudo. Traballo só, de maneira que quen responde a un correo é quen desenvolveu a web e coñece cada decisión que se tomou nela.
Montei Díaz Oliva porque vía demasiados negocios pequenos pagando cifras altas por webs que non entendían e que non podían tocar. Prefiro explicar as cousas de forma que se entendan e dicir que non cando non son a opción axeitada.
Principios de traballo
Claridade fronte a tecnicismo
As explicacións formúlanse en termos comprensibles. A complexidade técnica é responsabilidade do provedor, non do cliente.
Honestidade no alcance
Cando o encargo non encaixa co servizo ou non resulta conveniente para o cliente, comunícase antes de aceptalo.
Transparencia contractual
Prezos e condicións están publicados, e a web enteira pódese construír e ver antes de que haxa nada que pagar.
Próbao e velo
Empézase sen conta e sen pagar. Se prefires preguntar antes, tamén se pode.