Preguntas frecuentes

O que tardes ti. Non hai cola nin axenda: a web móntase mentres a escribes e publícase no momento en que lle das a publicar. Coas respostas ou cun modelo tense algo que amosar en cinco minutos, deixala como queres adoita levar unha tarde, e o que máis tempo leva é reunir os textos e as fotos.

Nada. Constrúese a web enteira, mírase no móbil e no escritorio, amósase a quen queiras e publícase sen pagar nin dar unha tarxeta: o plan de entrada actívase só ao publicar. A cota aparece cando a web pide máis do que ese plan inclúe.

As que inclúa o plan que teñas: cada plan di cantas webs sostén e ata onde chega cada unha, e vese na páxina de prezos. Os borradores non ocupan oco: caben dez por conta, non custan nada e non caducan.

Non pagas. A web queda gardada na túa conta por se volves, e podes pedir que se borre cando queiras.

Os textos, as fotos e os datos que pos son teus e cámbialos cando queiras desde o editor. O dominio está ao teu nome desde o primeiro día, nunca ao noso, tanto se o compras ti como se nolo encargas. O que pagas cada mes é tela publicada e servida aquí: a web sérvese desde o noso aloxamento e non se entrega nun arquivo para levala a outro. Se deixas de pagar deixa de publicarse, pero non se borra nada e volve ao aire tal e como estaba en canto contrates de novo.

Si. Tes un editor onde cambias textos, imaxes, prezos ou horarios sen saber de código e sen darte de alta en nada máis. Velo mentres o cambias e publícase cando ti digas.

Si, con tarxeta e na túa propia conta de Stripe, que se vincula desde a túa área nuns minutos. Os cartos de cada venda entran directamente nela: non pasan por nós, non somos o vendedor e non cobramos ningunha comisión por venda. Stripe cobra as súas tarifas, que publica na súa web. E se prefires cobrar ao entregar, tamén se pode: entón a tenda recolle o pedido e non pide ningunha tarxeta.

Non. O aloxamento vai dentro da cota. Se xa tes dominio úsase ese, e só hai que crear dous rexistros: dámosche os valores exactos e as instrucións do panel do teu provedor concreto, e compróbase só cando os puxeches. Se aínda non tes, aquí compróbase se o nome que queres está libre e a partir de aí escolles: compralo ti no rexistrador que prefiras e conectalo, ou encargárnolo e rexistrámoscho ao teu nome, cos rexistros xa postos. Nos dous casos figuras ti como titular desde o primeiro día. Se nolo encargas, renóvase só cada ano: dicímosche o importe trinta días antes e podes cancelalo desde a túa área sen custo.

Avisámoste o mesmo día en que o recibo non pasa, aos 7 días e aos 15. Se ao mes segue sen regularizarse, o plan péchase e as túas webs deixan de publicarse. Non se borra ningunha: quedan gardadas cos seus textos e o seu editor, e volven ao aire tal e como estaban en canto contrates outra vez, aboando tamén o tempo que estiveron publicadas sen cobrarse, que se ve como unha liña aparte antes de pagar. O teu dominio segue ao teu nome, como estivo sempre.

Non. A túa web sae como páxinas estáticas, que é a forma máis rápida que hai de servir un sitio: carga case ao instante e non ten complementos que queden vellos e polos que entre alguén. Para cambiar os textos tes o editor, que é máis doado que WordPress.

A túa web sae con todo o técnico resolto: estrutura, velocidade, etiquetaxe e datos estruturados, que é a base sen a cal non funciona nada do demais. Subir nas buscas depende ademais de ir escribindo contido, e iso podes facelo ti desde o editor, cando queiras e sen límite de cambios.

Non. Dáste de baixa cando queiras e o cobro detense ao final do período que xa pagaches, sen penalización. E tes catorce días desde que contratas para botarte atrás: o plan córtase no acto e devólveseche o importe enteiro. Pasados eses días segue habendo devolución mentres non publicaras ningunha web con ese plan.